Bakı. Trend:
ABŞ Türkiyədə müvəqqəti "Patriot" zenit-raket komplekslərinin yerləşdirilməsi barədə hələki qərar verməyib.
Trend-in "TASS"a istinadən verdiyi məlumata görə, bu barədə ABŞ hökumətinin nümayəndəsi bildirib.
Nümayəndə deyib: "Biz Türkiyədə, Suriya ilə sərhəd yaxınlığında "Patriot" raketlərinin yerləşdirilməsi istəyindən xəbərdarıq, lakin hələki heç bir qərar qəbul edilməyib".
O qeyd edib ki, Ankara və Vaşinqton arasında bununla və Suriyanın İdlib bölgəsindəki vəziyyətlə əlaqədar danışıqlar davam edir: "İdlibdəki narahatlıq doğuran vəziyyətlə əlaqədar Türkiyə hökuməti ilə müzakirələri davam etdiririk. Əlavə məlumat üçün sizi Türkiyə hökumətinə yönləndiririk".
Nümayəndə təsdiq edib ki, söhbət "Patriot" zenit-raket komplekslərinin müvəqqəti yerləşdirilməsindən gedir.