Bakı. Elnur Bağışov - Trend:
Yeni koronavirusun yayılması İranın neft-qaz hasilatına və onun paylanmasına heç bir təsir göstərməyib və bu proses davam edir.
Trend-in məlumatına görə, bunu İranın Milli Neft Şirkətinin istehsal məsələləri üzrə direktor müavini Fərrux Əlixani Tasnim informasiya agentliyinə açıqlamasında deyib.
F.Əlixaninin sözlərinə görə, İranın Milli Neft Şirkətində 3 səviyyəli fövqəladə vəziyyət komitəsi yaradılıb.
Əlixani əlavə edib ki, İranın neft sənayesində və neft-qaz hasilatı obyektlərində koronavirusla mübarizə istiqamətində uğurlu addımlar atılıb.
Şirkət rəsmisi bununla əlaqədar müntəzəm iclasların keçirildiyini deyib.
Qeyd edək ki, İranda indiyədək 2 336 nəfərin yeni koronavirusa yoluxması, 77 nəfərin ölməsi və 435 nəfərin sağalması təsdiqlənib.