Bakı. Trend:
ABŞ Almaniyanı lazım olduqda ciyərlərin süni havalandırma cihazları ilə təchiz edə bilər.
Trend-in "TASS"a istinadən verdiyi məlumata görə, bu barədə D.Tramp Ağ Evdə keçirilən brifinq zamanı bildirib.
"Mən bir çox ölkənin rəhbərləri ilə danışdım, soruşurlar ki, onlara süni havalandırma cihazları göndərə bilərikmi. Bizim bu qurğulardan çox böyük ehtiyatlarımız, hətta artığımız var", - D.Tramp deyib.
"Meksikaya, Hondurasa, İndoneziyaya kömək edirik, onları Fransa, İspaniya və İtaliyaya göndəririk. Ehtiyac olduqda Almaniyaya göndərə bilərik", - ABŞ prezidenti qeyd edib.