Bakı. Trend:
"İslam Məğribi ölkələrində Əl-Qaidə" terror qruplaşmasının lideri Malidə zərərsizləşdirilib.
Trend-in "TASS"a istinadən verdiyi xəbərə görə, bu barədə öz "Twitter" səhifəsində Fransanın müdafiə naziri Florans Parli yazıb.
F.Parli bildirib: "İyunun 3-də Fransa Silahlı Qüvvələri tərəfdaşların dəstəyi ilə Malinin şimalında keçirilən əməliyyat zamanı "İslam Məğribi ölkələrində Əl-Qaidə" qruplaşmasının əmiri Əbdülmalik Drukdeli və onun bir çox ortaqlarını zərərsizləşdiriblər".
Nazir qeyd edib ki, Ə.Drukdel "Əl-Qaidə"nin rəhbər komitəsinin üzvü olub və Şimali Afrikadakı qruplaşmalara başçılıq edib.
F.Parli vurğulayıb ki, Fransa tərəfdaşları ilə birlikdə Sahel bölgəsində terrorçularla mübarizəni davam etdirəcək.