Bakı. Trend:
Beyrutda etirazçılar Livanın Xarici İşlər Nazirliyi və İqtisadiyyat Nazirliyinin binalarına daxil olublar.
Trend-in "TASS"a istinadən verdiyi məlumata görə, etirazçılar həmçinin Ətraf Mühit Nazirliyinin binasına daxil olmağa çalışırlar, parlametin qarşısında isə yanğın başlayıb.
Xatırladaq ki, daha əvvəl etirazçılar Xarici İşlər Nazirliyinin binasını öz qərargahları elan etmişdilər.
XXX
20:40
Livanın paytaxtı Beyrutda etirazçılar Xarici İşlər Nazirliyinin binasına daxil olublar.
Trend-in "TASS"a istinadən verdiyi məlumata görə, etirazçılar Xarici İşlər Nazirliyinin binasını öz qərargahları elan ediblər.
Bildirilir ki, hazırda binanın qarşısında polis əməkdaşları var və onlar etirazçılarla danışıqlar aparırlar.
"Sky News Arabia"nın məlumatına əsasən, etirazçılar Beyrutun mərkəzində İqtisadiyyat Nazirliyinin binasına da daxil olmağa çalışırlar.