Bakı. Trend:
ABŞ-ın milli təhlükəsizlik üzrə müşaviri Ceyk Sallivan İranla nüvə sazişi üzrə danışıqları uzatmaq və Birgə Hərtərəfli Fəaliyyət Planının bərpa olunması üçün İranla müvəqqəti sazişin bağlanmasını təklif edib.
Trend-in məlumatına görə, bu barədə Axios portalı mənbələrə istinadən bildirib.
Məlumata əsasən, İsrail və Amerika mənbələri bildiriblər ki, C.Sullivan bu fikri israilli həmkarı Eyal Xulata ilə nüvə sazişiylə əlaqədar növbəti addımlarla bağlı müzakirələr zamanı səsləndirib.
Amerika mənbələri qeyd edib ki, sazişin ideyası ondan ibarətdir ki, İranın uranın zənginləşdirilməsini 60% səviyyəsində dondurması müqabilində ABŞ müttəfiqləri ilə birlikdə humanitar məhsullara tətbiq olunan sanksiyalardan imtina edə bilər.