Bakı. Trend:
ABŞ BMT-dəki 12 rusiyalı diplomatı persona non qrata elan edib, onlara martın 7-dək ölkəni tərk etmək tapşırılıb.
Trend-in məlumatına görə, bunu mətbuat konfransı zamanı Rusiyanın BMT-dəki daimi nümayəndəsi Vasili Nebenzya deyib.
"Mən indicə məlumat aldım ki, ABŞ hakimiyyəti ev sahibi kimi öz öhdəliklərini kobud şəkildə pozaraq Rusiyanın BMT-dəki missiyasına qarşı növbəti düşməncəsinə tədbir görüb. Onlar Rusiya missiyasının əməkdaşlarından 12 nəfəri persona non qrata elan edərək martın 7-dək ölkəni tərk etməyi tələb ediblər", - deyə V.Nebenzya bildirib.