Bakı. Trend:
Slovakiya İqtisadiyyat Nazirliyi "Facebook" səhifəsində 164 km uzunluğunda qaz kəməri qolunun tikintisinin tezliklə başa çatacağını açıqlayıb.
Trend-in məlumatına görə, Nazirlik bildirib ki, bu da Polşa ərazisindən Slovakiyaya təbii qazın verilməsini təmin edəcək:
"Qaz kəmərinin sınaq rejimində işə salınmasından əvvəl yekun işlər görülür. Boru kəməri [artıq] qaz təzyiqi altında yüklənməyə hazırdır və bu, tezliklə baş verəcək. Sınaqdan sonra qaz kəməri [qaz hasilatı] mənbələrinin şaxələndirilməsinə və Slovakiyanın enerji təhlükəsizliyinə tam töhfə verəcək".
