Bakı. Trend:
ABŞ və Cənubi Koreya hərbçiləri tərəfindən həyata keçirilən səkkiz raket buraxılışının məqsədi böhranlara birgə cavab verməyə hazır olduqlarını nümayiş etdirmək idi.
Trend xəbər verir ki, bu barədə ABŞ Silahlı Qüvvələrinin Hind-Sakit Okean Komandanlığının açıqlamasında deyilir.
"ABŞ <...> və Cənubi Koreya qüvvələri böhranlara tez cavab vermək bacarığını nümayiş etdirmək üçün raket buraxılışları ilə birgə təlimlər keçirib. Təlimdə ABŞ ordusunun bir raketi və Koreya Respublikasının yeddi raketindən istifadə edilib", - deyə açıqlamada bildirilir.
Xatırladaq ki, ABŞ və Cənubi Koreya KXDR-nın raket sınaqlarına cavab olaraq 8 raketi sınaqdan keçiriblər.