Bakı. Trend:
İtaliyanın maliyyə polisi Triyest şəhərində keçirilmiş xüsusi əməliyyat nəticəsində 4,3 ton kokain müsadirə edib.
Trend-in məlumatına görə, bu, Avropada ələ keçirilmiş ən böyük həcmli müsadirələrdən biri olub.
Qeyd olunur ki, narkotik vasitə Kolumbiyada fəaliyyət göstərən "Körfəz klanı"na məxsus olub.
İtaliya mətbuatının məlumatına əsasən, ABŞ və Kolumbiya hüquq-mühafizə orqanlarının da daxil olduğu gizli əməliyyat bir ilə yaxın davam edib. Yekunda 4 tondan çox narkotik vasitənin müsadirəsi ilə yanaşı, İtaliya, Kolumbiya, Sloveniya, Xorvatiya, Bolqarıstan, Niderlandda 38 nəfər saxlanılıb.
Müsadirə olunan kokainin ümumi qiyməti 240 milyon dollar dəyərində qiymətləndirilib.