Bakı. Trend:
ABŞ prezident administrasiyası son 50 ildə ilk dəfə aclıq, qidalanma və sağlamlıq məsələləri üzrə konfransın keçiriləcəyini elan edib.
Trend-in məlumatına görə, bu barədə Ağ Evin açıqlamasında deyilir.
Qeyd olunur ki, konfransın sentyabrın 28-də keçirilməsi nəzərdə tutulur. Məlumata əsasən, konfransın məqsədi aclığın qarşısını almaq və 2030-cu ilədək qidalanma ilə əlaqəli xəstəliklərin sayını azaltmaq məsələlərinin müzakirə olunmasıdır.
Konfransda ABŞ hökumət nümayəndələri, alim və mütəxəssislərin iştirakı gözlənilir.