Bakı. Trend:
Rusiyanın cənubundakı hava məkanında mülki təyyarələrə qoyulan uçuş qadağasının müddəti oktyabrın 2-dək uzadılıb.
Trend-in məlumatına görə, bu barədə Rusiya Federal Hava Nəqliyyatı Agentliyi bildirib.
Uçuş məhdudiyyəti Anapa, Belqorod, Bryansk, Voronej, Gelencik, Krasnodar, Kursk, Lipetsk, Rostov, Elista şəhərlərində ümumilikdə 11 hava limanına şamil olunur.
Sərnişinləri Soçi, Stavropol, Volqoqrad, Mineralnıe Vodı şəhərlərinin hava limanlarına aparmaq tövsiyə edilir.
Regionda uçuşlara mövcud qadağanın müddəti sentyabrın 26-da bitməli idi.
Xatırladaq ki, Rusiya Ukraynadakı müharibə ilə əlaqədar fevralın 24-də ölkənin cənubunda hava məkanını bağladığını bildirmişdi.