Bakı. Trend:
NATO-nun Müdafiə Nazirləri toplantısına Türkiyənin ROKETSAN və BAYKAR şirkətləri dəvət olunub.
Trend TurkicWorld-a istinadən xəbər verir ki, 15-16 iyun tarixlərində NATO-nun Brüsseldəki mənzil-qərargahında keçiriləcək toplantıda Türkiyə şirkətləri ilə birlikdə 25 böyük müdafiə sənayesi şirkətinin rəhbərləri iştirak edəcək.
İclasda Ukraynanın daha çox silah-sursata ehtiyacı və müttəfiqlərin öz ehtiyatlarını artırmaq ehtiyacı mahiyyətcə müzakirə olunacaq.
İştirakçılar arasında raket və raket kimi müxtəlif növ sursat istehsal edən müdafiə şirkətlərinin yüksək vəzifəli şəxsləri və baş direktorları olacaq.