Bakı. Trend:
İsrail ordusunun ölkənin şimalındakı bölmələri yüksək hazırlıq vəziyyətinə gətirilib.
Trend-in məlumatına görə, bu barədə İsrail Müdafiə Qüvvələrinin Baş Qərargah rəisi Hertsi Halevi deyib.
"Hizbullah"ın İsrail vətəndaşlarına və İsrail ordusunun əməkdaşlarına zərər vurmaq cəhdlərinin qarşısını almaq üçün şimal sərhədi boyunca çox yüksək səviyyədə hazırlıq vəziyyətindəyik", - deyə Baş Qərargah rəisi bildirib.
O əlavə edib ki, İsrail hərbi rəhbərliyi bütün istiqamətlərdə baş verən hadisələri diqqətlə izləyir və hər cür hadisələrə cavab verməyə hazırdır.