Bakı. Trend:
Martın 21-22-də keçiriləcək Avropa İttifaqı (Aİ) dövlət başçılarının sammitində yeni genişlənmə üçün zəruri olan Aİ islahatları müzakirə olunacaq.
Trend-in məlumatına görə, bu barədə Avropa Şurasının rəhbəri Şarl Mişel sammit iştirakçılarına dəvət məktubunda yazıb.
"Biz həm Aİ-nin, həm də gələcək üzv dövlətlərin genişlənməyə hazır olmasını təmin etmək üçün bu iki yolun paralel olaraq davam etdirilməli olduğunu başa düşərək, yeni genişlənmə və Aİ islahatlarına hazırlıqları nəzərdən keçirəcəyik", - deyə Ş.Mişel bildirib.
Mənbələrə görə, islahatların mahiyyəti Avropa Komissiyasının və digər Brüssel Aİ təsisatlarının səlahiyyətlərini genişləndirməkdən ibarətdir.