Bakı. Trend:
Rusiyanın Yamalo-Nenets Muxtar Dairəsindəki müəssisədə kondensat emalı sexində partlayış baş verib.
Trend xəbər verir ki, bu barədə Rusiya KİV məlumat yayıb.
Məlumata görə, partlayış nəticəsində 1 nəfər ölüb, 8 nəfər yaralanıb.
İnsidentin gecə saatlarda baş verdiyi bildirilir. Müəssisədə kompleks qaz hazırlama qurğusu partlayıb.
Yaralılardan ikisinin vəziyyəti ağır, birinin vəziyyəti son dərəcə ağır olaraq qiymətləndirilir.