Bakı. Trend:
ABŞ prezidenti Co Bayden Vaşinqtonun nüvə silahlarının ixtisarına dair Moskva, Pekin və Pxenyanla ilkin şərt olmadan danışıqlara hazır olduğunu açıqlayıb.
Trend-in məlumatına görə, bu barədə C.Bayden Nobel Sülh Mükafatının Xirosima və Naqasakiyə atılan atom bombalarından sağ çıxanların "Nihon Hidankyo" assosiasiyasına verilməsi ilə əlaqədar açıqlamasında bildirib.
"ABŞ nüvə təhlükəsini azaltmaq üçün ilkin şərt olmadan Rusiya, Çin və Şimali Koreya ilə danışıqlara hazırdır", - deyə ABŞ prezidenti qeyd edib.
O bildirib ki, “nüvə arsenallarının azaldılması istiqamətində irəliləyişi ləngitməyin ölkələrimiz və dünya üçün heç bir faydası yoxdur”.