Bakı. Trend:
İsrail Hərbi Hava Qüvvələrinə məxsus təyyarələr Beyrutun cənubunda, Rafik Həriri Beynəlxalq Hava Limanının 500 metrliyində şiə Hizbullah təşkilatının obyektinə zərbələr endirib.
Trend-in məlumatına görə, bombardman nəticəsində yerindən qatı qara tüstü səmaya qalxıb.
Məlumatlara görə, hücum Təhvita əl-Qədir bölgəsində yerləşən yanacaqdoldurma məntəqəsinə dəyib. Hava limanına gedən yolda yerləşən Hay-es-Sallumun qonşu məhəlləsindən partlayış səsləri eşidilib.
Son iki saat ərzində İsrail qırıcıları və pilotsuz uçuş aparatları Beyruta 11 reyd həyata keçirib. Hücum zamanı Hizbullahın fəaliyyətinə sponsorluq edən Əl-Qard Əl-Həssan maliyyə və kredit assosiasiyasının ofislərinin yerləşdiyi binalara dörd hədəf zərbəsi endirilib.