Bakı. Trend:
Burundinin qərbində bir məktəbə ildırım düşməsi nəticəsində azı 3 nəfər ölüb, 16 nəfər yaralanıb.
Trend-in məlumatına görə, bu barədə Sinxua agentliyi xəbər yayıb. Hadisə Musiqati rayonunda baş verib. Rayon rəhbəri Yoahim Nduvumukama hadisə ilə bağlı bildirib ki, ildırım vuranların ümumi sayı 19 nəfərdir, onlardan 18-i məktəbli və bir müəllimdir.
"Üç uşaq yerindəcə ölüb, qalanları yaralanıb, əksəriyyətinin vəziyyəti ağırdır" - deyə o, agentliyə açıqlama verib.
İldırım dərs gününün ortasında baş verib və bütün zərərçəkənlər xəstəxanaya çatdırılıb.