Bakı. Trend:
BMT-nin Baş katibi Antonio Quterreş yeni seçilmiş Papa XIV Leonu təbrik edib.
Trend-in məlumatına görə, bu barədə BMT rəhbəri bəyanatında bildirilib.
A.Quterreş davamlı və ədalətli dünya qurmaq üçün BMT ilə Müqəddəs Taxt-Tac arasında davamlı əməkdaşlığa ümid etdiyini bildirdi.
"Həmrəyliyi gücləndirmək, barışığı təşviq etmək və hamı üçün ədalətli və davamlı sülh yaratmaq üçün yaxın keçmişdə Papa Fransisk tərəfindən dəstəklənən BMT və Müqəddəs Taxt-Tac arasında ənənəvi əməkdaşlığın inkişaf etdirilməsinin davamını səbirsizliklə gözləyirəm", - deyə o bildirib.