Bakı. Trend:
“Meta” (keçmiş “Facebook”) korporasiyasının rəhbəri Mark Zukerberq Ağ Evdə oval kabinetdən kənarlaşdırılıb.
Trend xəbər verir ki, bu barədə NBC telekanalı öz mənbələrinə istinadən məlumat yayıb.
Bildirilib ki, Zukerberq qapalı iclas gedən zaman gözlənilmədən içəri daxil olub. Həmin əsnada Ağ Ev rəhbəri Donald Tramp yüksək vəzifəli hərbçilərlə altıncı nəsil F-47 qırıcısı ilə bağlı müzakirə aparırdı. “Çağırılmamış qonağı”ın iclası tərk etməsini istəyiblər.
NBC telekanalının məlumatına görə, Zukerberqin iclasa qəfil daxil olması bəzi məmurları narahat edib, belə ki, onun müzakirə olunan məxfi məlumatlara müvafiq səlahiyyəti olmayıb.