Bakı. Trend:
Pakistanın təhlükəsizlik qüvvələri kəşfiyyat məlumatı əsasında keçirdiyi əməliyyat zamanı silahlı dəstənin 22 üzvünü zərərsizləşdirib.
Trend xəbər verir ki, bu barədə xarici KİV-lər məlumat yayıb.
Məlumata görə, əməliyyat ölkənin şimal-qərbindəki Xeybər Paxtunxva əyalətinin Bannu rayonunda keçirilib.
Pakistan ordusunun açıqlamasında bildirilir ki, təhlükəsizlik qüvvələri yaraqlıların sığınacağına atəş açıb və intensiv atışma nəticəsində dəstə üzvləri məhv edilib.