Bakı. Trend:
Gələn yay Ağ Evdə keçirilməsi planlaşdırılan xüsusi UFC (Mütləq Döyüş Çempionatı ) çempionatı ictimaiyyətə açıq olmayacaq. Belə ki, mötəbər turnir üçün biletlərin satılmayacağı artıq təsdilənib.
Trend bu barədə xarici KİV-ə istinadən xəbər verir.
Məlumata görə, Donald Trampın ad gününə salınmış həmin turnir barədə UFC-nin şirkəti olan TKO-nun prezidenti Mark Şapiro bir sıra açıqlamalar verib.
“Bizə sorğular gəlir... Bilet satışı olmayacaq. Bu, maliyyə baxımından bizə zərər verəcək, amma brend, reklam , qarşılıqlı əlaqə, şöhrət, mətbuatda işıqlandırma, əldə edilmiş media, reklam verənlərin marağı baxımından... bu, həqiqətən nəhəng bir hadisədir”, - o deyib.
Bundan əvvəl Donald Tramp Ağ Evdə təşkil olunana MMA yarışında azı səkkiz ayrı kateqoriya üzrə titul döyüşlərinin keçirilməsinin planlaşdırdıldığını bildirmişdi.