Bakı. Trend:
ABŞ Dövlət Departamenti Səudiyyə Ərəbistanına təxminən 9 milyard dollar dəyərində “Patriot” tipli zenit-raket kompleksləri və əlaqədar avadanlıqların mümkün satışını təsdiqləyib.
Trend xarici KİV-ə istinadən xəbər verir ki, bu barədə Pentaqon məlumat yayıb.
Pentaqonun açıqlamasına görə, “Patriot Advanced Capability-3 Missile Segment Enhancement” (PAC-3 MSE) tipli raketlərin satışında əsas podratçı “Lockheed Martin” şirkəti olacaq.
Məlumata görə, Dövlət Departamentinin bu qərarı Səudiyyə Ərəbistanının 730 ədəd “PAC-3 MSE” raketi almaq üçün etdiyi müraciətindən sonra verilib.
Pentaqon əlavə edib ki, təklif olunan satış Yaxın Şərqdə hərbi balansı dəyişməyəcək və ABŞ-ın müdafiə hazırlığına mənfi təsir göstərməyəcək.