Bakı. Trend:
Cənubi Afrika Respublikasında yayılmış dabaq xəstəliyi səbəbindən ölkə üzrə fövqəladə vəziyyət elan edilib.
Trend xarici KİV-ə istinadən xəbər verir ki, ölkənin Milli Fəlakətlərin İdarəetmə Mərkəzinin rəhbəri Elias Sithole bildirib ki, bir neçə əyalətdə müşahidə olunan yoluxma artıq milli səviyyədə risk yaradıb.
Prezident Sirill Ramafosa hökumətin qarşıdakı 12 ay ərzində təxminən 14 milyon iri buynuzlu heyvanın peyvənd olunmasını planlaşdırdığını açıqlayıb. Qeyd olunub ki, xəstəlik heyvandarlıq, ərzaq təhlükəsizliyi və ixrac bazarları üçün ciddi təhlükə yaradır.