Türkiyə Avropa Birliyində özünün tam hüquqlu üzvlüyü məsələsi üzrə danışıqlar zamanı problemlərə yol verməmək üçün 2006-cı ilin oktyabrınadək Kipr məsələsində irəliləyişə nail olmalı, xüsusilə bu ölkə üçün liman və hava limanlarını açmalıdır.
Trend -in "REGNUM" agentliyinə istinadən xəbər verdiyi kimi, belə xəbərdarlıqla Avropa Komissiyasının sədri Xose Manuel Barrozo çıxış edib. Bununla yanaşı, o, Ankara ilə danışıqlar prosesindən razı qaldığını bildirib. Sədrin sözlərinə görə, Avropa Komissiyası bir sıra məsələlərdə Türkiyənin irəliləyişə nail olmasının da öz əksini tapacağı məruzə hazırlayır. Bu barədə Türkiyə KİV-i xəbər verir.