Sentyabrın 15-də səhər Gürcüstanın baş naziri Zurab Noqaidelinin rəhbərlik etdiyi nümayəndə heyəti 5 günlük səfərlə Sinqapura yola düşüb. Bu barədə Trend Novosti-Qruziya-ya istinadən xəbər verir.
Hökumət başçısının mətbuat xidmətindən verilən məlumata görə, Nazirlər Kabinetinin üzvləri Dünya Bankı və Beynəlxalq Valyuta Fondunun təşkil etdiyi "2007-ci il islahatlarını necə keçirməli?" adlı beynəlxalq konfransda iştirak edəcək.
Səfər çərçivəsində Z.Noqaideli DB və BVF-nin prezidentləri ilə görüşəcək. O, Sinqapur konfransında Gürcüstanda həyata keçirilmiş islahatlar və iqtisadiyyatın liberallaşdırılmasının müsbət nəticələri barədə nitqlə çıxış edəcək.