Türkiyə,Ankara/müxbir Trend Ə.Ələsgərov/Türkiyədə bir sıra iri layihələrin reallaşdırılması davam edir. Bu layihələrdən ən böyüyü layihə dəyəri 6,2 milyard dollar təşkil edən "Aşağı Fırat" hidroqurğusunun tikintisidir. Miqyasa görə ölkənin ikinci layihəsi Türkiyənin Qara dəniz sahili boyu avtomagistralın tikintisidir. Bu barədə Trend in Ankaradakı xüsusi müxbiri məlumat verib.
Türkiyədə həyata keçirilən iri layihələr arasında həmçinin İstanbulda boğazlar altında sualtı tunel layihəsi, həmçinin Ankara-İstanbul və Ankara-İzmir sürətli dəmir yolu xəttləri də var.