...

Azərbaycanın ekologiya nazirliyi xəstəxana ərazisindəki ağacları köçürüb

Cəmiyyət Materials 3 İyun 2011 10:43 (UTC +04:00)
Azərbaycan Ekologiya və Təbii Sərvətlər Nazirliyi (ETSN) Mərkəzi Klinik Xəstəxananın ərazisindəki 14 ədəd ağacı başqa yerə köçürüb. Trend-in məlumatına görə, bu barədə cümə günü nazirliyin mətbuat xidmətindən bildirilib.
Azərbaycanın ekologiya nazirliyi xəstəxana ərazisindəki ağacları köçürüb

Azərbaycan, Bakı, 3 iyun /Trend/

Azərbaycan Ekologiya və Təbii Sərvətlər Nazirliyi (ETSN) Mərkəzi Klinik Xəstəxananın ərazisindəki 14 ədəd ağacı başqa yerə köçürüb. Trend-in məlumatına görə, bu barədə cümə günü nazirliyin mətbuat xidmətindən bildirilib.

ETSN-in tabeliyində olan "Azəryaşlandşaft" ASC-nin mütəxəssisləri tərəfindən xəstəxananın ərazisinə baxış keçirilib və tikinti altına düşən ağaclar xüsusi texnikanın köməyi ilə qanunvericiliyə uyğun qaydada başqa əraziyə köçürülüb.

Ağaclar həmin ərazidə aparılan əsaslı təmir-tikinti və yenidənqurma işləri ilə əlaqədar köçürülüb.

"Təəssüf ki, bir sıra hallarda müəssisə və təşkilatlar ərazilərində tikinti işləri aparılan zaman tikinti altına düşən ağacların başqa əraziyə köçürülməsi mümkün olduğu halda, vəziyyətdən çıxış yolunu ağacları kəsməkdə görürlər. Bəzən belə hallarda həmin əraziyə cavabdeh olan şəxsləri məsuliyyətdən bir növ kənarda qoymağa çalışılır, ekoloqları qınamaq üstün tutulur", - nazirliyin məlumatında bildirilir.

ETSN xəbərdarlıq edir ki, idarə, təşkilat və müəssisələrə aid ərazilərdə tikinti-yenidənqurma işləri aparılan zaman tikinti sahəsinə düşən ağacların mühafizəsi həmin əraziyə cavabdeh olan hüquqi və fiziki şəxslərə məxsusdur. "Mövcud qanunvericiliyə uyğun olaraq idarə və təşkilatlara məxsus ərazilərdən ağacların köçürülməsi, yalnız həmin qurumun ETSN-ə müvafiq rəsmi müraciəti əsasında, xüsusi razılıq olduğu zaman həyata keçirilir. Ərazidə ağaclar kəsilərsə, nazirlik tərəfindən qanunamüvafiq qaydada tədbirlər görülür", - ETSN-in məlumatında deyilir.

Xəbər lenti

Xəbər lenti