Azərbaycan, Bakı, 27 sentyabr /Trend/
Azərbaycan Premyer Liqasında VII turun oyunlarına start verilib.
Trend-in məlumatına görə, turun mərkəzi oyununda "Neftçi" və "Qarabağ" klubları qarşılaşıblar.
35-ci dəqiqədə Riçard Almeyda penalti zərbəsini dəqiq yerinə yetirərək ağdamlıları hesabda önə çıxarıb. 76-cı dəqiqədə Muarem Muarem hesabı artırıb. 8 dəqiqə sonra "Qarabağ"ın hücumçusu Vüqar Nadirov da fərqlənib.
Oyunun əsas vaxtına 3 dəqiqə qalmış Ernest Nfor "Neftçi"nin təsəlli qolunu vurub - 1:3.
"Bakı" paytaxtda "Araz Naxçıvan"ı qəbul edib. Oyuna meydan sahibləri fəal başlayıblar: 28-ci dəqiqədə Tural Qürbətov hesabı açıb. İkinci hissənin əvvəlində Elmin Çobanov hesabı bərabərləşdirib.
Lakin 74-cü dəqiqədə Nuran Qurbanov hesabı yenidən "Bakı"nın xeyrinə dəyişib - 2:1.
Bakıda keçirilən digər oyunda isə AZAL "İnter"i 1:0 hesabı ilə məğlub edir.