Bakı. Trend:
Türkiyə Prezidenti Rəcəb Tayyib Ərdoğan ona xitabən yazılmış "Ərdoğannamə" kitabındakı bəzi şeirlərə əsəbiləşib.
Trend-in məlumatına görə, prezident şeirlərdəki hədsiz təriflərin inanc və mədəni dəyərlərə uyğun gəlmədiyini deyib və kitabın satışdan yığışdırılmasını tələb edib.
R.T.Ərdoğan vəkili Hüseyin Aydın vasitəsilə kitabın nəşr edildiyi yayın evinə xəbərdarlıq göndərib.
Xəbərdarlıqda bu tərz davranışların nəinki prezidenti sevindirmədiyi, hətta mütəəssir etdiyi deyilir.