BAKI-2015: Günəş, dəniz, çimərliklər, dalğalar və qürub (FOTO)
Azərbaycan, Bakı, 12 may /Trend/
Belə bir fikir var ki, Bakıda Xəzər dənizinin sahilində istirahət etmək bəzən Türkiyə və Misirdə istirahət etməkdən daha yaxşıdır.
Fiziki coğrafiya baxımından Xəzər dəniz deyil, göldür. Onun suyu Türkiyədəki kimi duzlu deyil. Bakının bütün çimərlikləri isə dünyanın bir çox məşhur kurortları kimi çınqıllı yox, qumludur.
İllər keçdikcə Azərbaycanda Xəzər sahillərində istirahət etmək turistlər arasında daha populyar olur. Mülayim iqlimin unikallığı sayəsində Xəzər sahillərində bütün il boyu istirahət ermək, maydan sentyabra kimi çimmək və qaralmaq olar.
Avropa Oyunları üçün 12-28 iyun tarixlərində Bakıya gələcək qonaqlar Şıx, Mərdəkan, Hövsan, Buzovna, Zuğulba, Nardaran kimi çimərliklərə gedə biləcəklər. Bu çimərliklərdən bəziləri idman saraylarından avtomobillə 10-15 dəqiqəlik məsafədə yerləşir.
