Azərbaycan, Bakı, 25 iyun /Trend/
İlk Avropa Oyunlarının bürüncü medalçısı, ukraynalı boksçu Aleksandr Xijnyak "Bakı 2015"lə bağlı təəssüratlarını bölüşüb. Trend-in məlumatına görə, o bildirib ki, ilk dəfə keçirilən Avropa Oyunları yüksək səviyyədə təşkil olunub.
"Boks turnirini dəyərləndirmək lazım gəlsə, demək istəyirəm ki, bu, ən yüksək qiymətə layiqdir. Burada iştirak edən idmançılar kifayət qədər güclüdür. Hərəsinin özünə uyğun potensialı var. Doğrudur, mən qızıl medala iddialı idim. Lakin alınmadı. Bununla belə, əsas odur ki, medal qazandım. İlk Avropa Oyunlarının qalibi olduğum üçün çox məmnunam", - deyə ukraynalı boksçu bildirib.