Azərbaycan, Bakı, 11 iyul /Trend, müxbir Ş.Cavadsoy/
Dörd istedadlı və gənc oğlandan ibarət Azərbaycanın populyar pop-qrupu "Next" əcnəbi radio dalğalarından birinin qonağı olacaq.
Qrupun mətbuat katibi Aysər Həsənlinin Trend-ə verdiyi məlumata görə, onlar iyulun 11-də Norveçin "Inter Fm" radiosunun internetlə yayımlanacaq canlı efirində çıxış edəcəklər.
"Bakı vaxtı ilə saat 23:00-dan etibarən 2 saat ərzində yayımlanacaq verilişdə fanatlar əlaqə yaradaraq öz suallarını kumirlərinə ünvanlaya biləcəklər. Proqramda "Next"çilər yeni mahnısını ilk dəfə olaraq "İnter FM"-də dinləyicilərə təqdim edəcəklər. Novreç radiosunda yayımlanacaq "Mən səni öldürəcəm" mahnısının musiqisi Tural Bayraməliyevə, sözləri isə Hüseyn Cavadzadəyə məxsudur", - Aysər Həsənli belə dedi.