Tbilisidə Azərbaycan filmi nümayiş etdiriləcək (FOTO)

Gürcüstan, Tbilisi, 29 oktyabr /Trend, müxbir N.Kirsxaliya/

Gürcüstanın paytaxtı Tbilisidə Azərbaycanın tanınmış kinorejissoru Rasim Ocaqovun "Ad günü" filminə baxış keçiriləcək.

Qeyd edək ki, filmdə baş rollardan birini gürcü aktyor David Uplisaşvili oynayıb.

"Tbilisi intermedia" şirkətindən Trend-ə verilən məlumata görə, Azərbaycan səfirliyinin dəstəyi ilə filmə baxış noyabrın 2-də baş tutacaq. Tədbiri Azərbaycan səfiri açıq elan edəcək, film haqqında isə Gürcüstan və Azərbaycan kinematoqrafçıları bəhs edəcəklər.

Həmçinin, "Azərbaycan kinosunda Gürcüstan aktyorları" fotosərgisi keçiriləcək.

Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az

Trend-in ən mühüm və maraqlı xəbərlərini "Telegram"da izləyin