Azərbaycan, Bakı, 29 noyabr /Trend/
Heydər Əliyev Fondunun təşəbbüsü və dəstəyi ilə bərpa edilən və rənglənən "Arşın mal alan" filmi yeni ekran həyatını yaşayır.
Heydər Əliyev Mərkəzindən Trend-ə verilən məlumata görə, dekabrın 10-da Mərkəzdə bərpa edilən və rənglənən "Arşın mal alan" filminin təqdimatı keçiriləcək. Bununla əlaqədar təqdimat mərasiminin videoçarxı yayımlanıb.
Qeyd edək ki, "Arşın mal alan" filmi 1945-ci ildə Azərbaycanın dahi bəstəkarı Üzeyir Hacıbəylinin eyniadlı operettası əsasında çəkilib. Təkcə 1945-ci ildə ekrana çıxdıqdan sonra filmi 16,27 milyon tamaşaçı izləyib. "Arşın mal alan" filmi indiyə qədər 136 ölkədə nümayiş etdirilib və 86 dilə dublyaj olunub.
Video Player