...

Mənzərə Sadıqovanın "Qadınlar və kişilər" adlı yeni kitabı çapdan çıxdı

Mədəniyyət Materials 28 Noyabr 2014 16:07
Yazıçı-publisist, filologiya üzrə fəlsəfə doktoru Mənzərə Sadıqovanın “Qadınlar və kişilər” adlı yeni kitabı çapdan çıxıb.
Mənzərə Sadıqovanın "Qadınlar və kişilər" adlı yeni kitabı çapdan çıxdı

Trend-i buradan izləyin

Azərbaycan, Bakı, 28 noyabr /Trend/

Yazıçı-publisist, filologiya üzrə fəlsəfə doktoru Mənzərə Sadıqovanın "Qadınlar və kişilər" adlı yeni kitabı çapdan çıxıb. Trend-in məlumatına görə, nəfis tərtibatı ilə göz oxşayan kitabda müəllifin nəsr əsərləri toplanıb.

İnternetdə oxucuların böyük maraqla qarşıladıqları "Azadlıq qoxusu... və qorxusu", "Eşq", "Kişi", "Sıfır nöqtəsində", "Ehtiraslar labirintdə", "Karusel", "Tale oyunu" və s. hekayələri ilə yanaşı, müəllif bu kitaba "Üçbucaqda gedişlər" adlı povestini də daxil edib.

Əsərlərin hamısında XXI əsrin reallıqları zəminində İNSANın yaşantıları, psixoloji təlatümləri ön plana çəkilir. M.Sadıqova hisslərin zəngin çalarlı palitrasına elə rənglər vurur ki, oxucu sanki baş verənləri oxumur, gözü ilə görür. "Üçbucaqda gedişlər" adlı povest dramatik süjet xətti və yazıçının insan ruhunun dərinliklərinə enməsi baxımından xüsusilə diqqət çəkir.

"Qadınlar və kişilər" adlı yeni kitabında yazıçı ustalıqla xarakterlərin psixoloji dərinliyinə baş vurur, sürətlə dəyişən dünyamızda yeni çalarlar kəsb edən milli-mənəvi, əxlaqi dəyərlərimizə güzgü tutur. Bu baxımdan "Tale oyunu" hekayəsi çox xarakterikdir.

Məqalədə:
Xəbər lenti

Xəbər lenti