Azərbaycan, Bakı 12 İyun / Trend, müxbir İlhamə İsabalayeva/
Bu il sentyabın 16-18-də IV Bakı Beynəlxalq Kitab Sərgi - Yarmarkası keçiriləcək.
Mədəniyyət və Turizm Nazirliyindən Trend-ə verilən məlumata görə, artıq Sərgi - Yarmarkada iştirakla bağlı ərizə-müqavilə qəbulu başlayıb. Tədbirin təşkilatçısı Azərbaycan Respublikası Mədəniyyət və Turizm Nazirliyidir.
Yarmarkada nəşriyyatlar tərəfindən buraxılmış nəşrləri nümayiş etdirmək, satmaq, iştirakçı xarici dövlətlərin nəşriyyatları, müəlliflər və milli nəşriyyat-poliqrafiya müəssisələri ilə danışıqlar aparmaq, müqavilələr bağlamaq imkanı olacaq.