Bakı. Trend:
Noyabrın 22-də saat 19:00-da Azərbaycan Dövlət Filarmoniyasının Kamera və Orqan Musiqi zalında Azərbaycan Televiziya və Radiosunun Cahangir Cahangirov adına Xor Kapellasının 80 illik yubileyinə həsr olunmuş konsert keçiriləcək.
Filarmoniyanın mətbuat xidmətindən Trend-ə verilən məlumata görə, proqramda Üzeyir Hacıbəyli, Fikrət Əmirov, Müslüm Maqomayev, Cahangir Cahangirov, Zakir Bağırov, Səid Rüstəmov, Firəngiz Əlizadə, Ramiz Mustafayevin əsərləri səslənəcək.
Proqramda Avropa bəstəkarlarının əsərləri də səslənəcək.