Bakı. Trend:
Beynəlxalq Muğam Mərkəzinin və Azərbaycan Televiziyasının “Mədəniyyət” kanalının birgə layihələrindən olan “Muğam axşamları” layihəsi davam edir.
Trend-in məlumatına görə, Beynəlxalq Muğam Mərkəzində “Muğam axşamlar” ı layihəsi çərçivəsində “Xaric segah” muğamı səsləndirilib. Muğamı Əməkdar artist Sevinc Sarıyeva ifa edib.
Daha sonra xanəndə “Mahur təsnifi”ni, “Dilkeş təsnifi”ni, bəstəkarlar Hacı Xanməmmədovun “Telli”, Bəxtiyar Kərimovun “Bəxtiyaram mən” və “Gül ağacı” adlı türk xalq mahnısını ifa edib.
Xanəndəni “Buta” instrumental ansamblı (Əməkdar artist Təranə Əliyeva (qanun), Ceyhun Muradov (kamança), Kamran Novruzov (bas tar), Soltan Əliyev (nağara)) müşayiət edib.
Ansamblın bədii rəhbəri tarzən Rövşən Qurbanovdur.
Xatırladaq ki, “Muğam axşamlar”ı layihəsi çərçivəsində may ayının 30-dan iyunun 30-na qədər Beynəlxalq Muğam Mərkəzində “Rast”, “Şur”, “Segah”,”Cahargah”, “Bayatı-Şiraz”, “Hümayun”,”Şüştər” muğamları tanınmış xanəndələr və gənc ifaçılar tərəfidən səsləndirilib. Yeni mövsümdə isə muğamsevərlər artıq “Mahur- Hindi”, “Bayatı-Kürd”, ”Orta Mahur”, “Rahab”, “Bayatı-Qacar”, “Şahnaz”, “Dəşti”, “Mirzə Hüseyn segahı”nı dinləyiblər.
Bu muğamların ifası muğamsevərlər tərəfindən alqışlarla qarşılanıb və onlarda dərin təəssürat yaradıb.
Qeyd edək ki, may ayından reallaşdırılan bu layihə çərçivəsində dekabrın 27-də, saat 19:00-da növbəti konsert keçiriləcək. Bu konsertdə “Arazbarı”, “Ovşarı” və başqa ritmik muğamlar səslənəcək.
Biletləri şəhərimizin kassalarından,“ASAN Xidmət” mərkəzlərindən və İticket. az (online) saytından əldə etmək olar.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
