...

Qaradağ meşəlikləri yanır

Gündəm Materials 22 Avqust 2019 11:52 (UTC +04:00)
İranın Şərqi Azərbaycan vilayətində Qaradağ meşəliklərində yanğın iki gündür davam edir.
Qaradağ meşəlikləri yanır

Bakı. Elnur Bağışov – Trend:

İranın Şərqi Azərbaycan vilayətində Qaradağ meşəliklərində yanğın iki gündür davam edir.

Trend-in məlumatına görə, bunu İranın Meşəliklər, Yaylalar və Su Hövzələri Təkşilatının Mühafizə Qüvvələrinin rəisi polkovnik Əli Abbasnejad İLNA-ya açıqlamasında deyib.

Ə.Abbasnejadın sözlərinə görə, artıq 40 saatdan çoxdur ki, bölgədə yanğın başlayıb və yanğın 200 hektardan çox meşə və yayla ərazisini əhatəsinə alıb.

Rəsmi əlavə edib ki, yanğının söndürülməsində 100 əməkdaş iştirak edir: "Vilayətin Fövqəladə Hallar üzrə idarəsinin rəhbəri və vali bölgədədir və yanğının söndürülməsi üçün vertolyotun göndərilməsinə çalışırlar. Bir sıra orqanlar qonşu vilayətlərdən vertolyotun göndərilməsi üçün kömək edə bilərlər. Lakin onlara lazımi vəsait ödənilmədiyi üçün kömək etmirlər”.

Təşkilat rəsmisi yanğın nəticəsində indiyədək kimsənin xəsarət almadığını deyib.

Qaradağ meşəlikləri UNESKO-da biosfer və mühafizə olunan qoruq kimi seçilib.

Məqalədə:
Xəbər lenti

Xəbər lenti