Bakı. Asif Mehman - Trend:
14 iyun saat 00:00-dan 16 iyun 06:00-dək Bakı, Gəncə, Lənkəran və Sumqayıt şəhərlərində, Abşeron, Yevlax, İsmayıllı, Kürdəmir və Salyan rayonlarında əhalinin yaşayış yerlərini və ya olduğu yerləri tərk etməsi qadağan edilib.
Trend xəbər verir ki, sərt karantin rejimi qüvvəyə mindiyindən evdən çıxmağın qadağan olunduğu ərazilərdə Daxili İşlər Nazirliyinin əməkdaşları reydlər həyata keçirməyə başlayıb.
Artıq sərt karantin rejiminin tələblərini pozduğuna görə saxlanılan da var. Belə ki, Bakı şəhər Nizami rayon ərazisində sərt karantin rejiminin tələblərini pozaraq evdən çıxan şəxs həmin ərazidə xidmət aparan polis nəfərləri tərəfindən saxlanılıb.