...

Aİ enerji daşıyıcılarının qiymətlərində rekord artımdan narahatdır

Gündəm Materials 23 Sentyabr 2021 07:37 (UTC +04:00)
Aİ enerji daşıyıcılarının qiymətlərində rekord artımdan narahatdır

Bakı. Trend:

Əksər Avropa İttifaqı ölkələrinin nəqliyyat və energetika nazirləri enerji daşıyıcılarının qiymətlərinin rekord həddə çatmasından narahat olduqlarını bildiriblər.

Trend-in "İnterfaks"a istinadən verdiyi məlumata görə, bu barədə Sloveniya keçirilən Aİ üzv ölkələri sahə nazirlərinin qeyri formal görüşündən sonra verilən pres-relizdə deyilir.

Görüşdən sonra Sloveniyanın İnfrastruktur naziri Yerney Vrtovets son vaxtlar enerji qiymətlərinin artmasına hava şəraiti, dünya enerji bazarındakı vəziyyət və pandemiyadan sonra iqtisadi canlanma kimi bir çox amillərin təsir etdiyini söyləyib və qiymət artımının istehlakçılara da təsir edəcəyini etiraf edib.

Vrtovets bildirib: "Aİ üzv ölkələri qiymətin bazar qiymətlərini tənzimləmək üçün xüsusi imkanlara malik deyillər və ola da bilməzlər, lakin ölkələr qiymət artımlarının tənzimlənən qiymət komponentinə təsirini azaltmaq üçün fərqli yanaşmalar tətbiq edirlər".

Sloveniyalı nazirin sözlərinə əsasən, bu təsirlər gələcəkdə yerli aşağı karbon tərkibli daxili mənbələrə diqqət yetirməklə azaldılacaq.

"Enerji səmərəliliyinin artırılması ilə istehlak edilən enerjinin ümumi miqdarının azaldılmasına ehtiyac da olacaq ki, bu da son istifadəçi üçün xərcləri azaltmağa və həm qaz, həm də elektrik enerjisi üçün daxili enerji bazarının dayanıqlılığını və tam inteqrasiyasını qorumağa kömək edəcək". nazir izah etdi.

Qiymət artımı və nəticələri ilə bağlı müzakirənin detalları görüşün qeyri-formal olduğundan açıqlanmayıb. Enerji böhranının 21-22 oktyabr tarixlərində Aİ sammitinin gündəliyinə əlavə olunacağı ehtimal olunur.

Məqalədə:
Xəbər lenti

Xəbər lenti