Bakı. Trend:
Hazırda yarışın yerli televiziyada yayımı ilə bağlı müzakirələr aparılır. Nəticə ilə bağlı açıqlama veriləcək.
Bunu Trend-ə müsahinəsində Formula 1 Azərbaycan Qran Prisinin mətbuat katibi Turab Teymurov deyib.
"Bununla yanaşı, azarkeşlər digər Formula 1 yarışları ilə yanaşı, Azərbaycan Qran Prisini də dünyanın bir sıra qabaqcıl idman televiziya kanalları vasitəsilə izləyə biləcəklər. Qeyd edək ki, Formula 1 Azərbaycan Qran Prisininin qlobal tamaşaçı auditoriyası 1.5 milyarda yaxındır. Maraqlı faktı diqqətinizə çatdıraq. Son iki mövsümdə Azərbaycan Qran Prisi Monako Qran Prisini keçərək ABŞ-da izlənilən ən populyar yarış olub, - deyə T.Teymurov əlavə edib.
Qeyd edək ki, Formula 1 üzrə Azərbaycan Qran Prisi 10-12 iyun tarixlərində baş tutacaq.