...

Məhkəmə Hafiz Məmmədov barəsində prokurorun verdiyi protesti təmin etmədi

Gündəm Materials 7 İyun 2022 11:37 (UTC +04:00)
Məhkəmə Hafiz Məmmədov barəsində prokurorun verdiyi protesti təmin etmədi
Samir Əli
Samir Əli
Bütün xəbərlər

Bakı. Trend:

Prokuror Hafiz Məmmədovun barəsində həbs qətimkan tədbirinin dəyişməsi ilə bağlı qərardan protest verib.

Trend xəbər verir ki, Hafiz Məmmədov barəsində qüvvədə olan qətimkan tədbirinin ləğv edilərək yenidən həbs qətimkan tədbiri ilə əvəz olunması tələb olunub.

Bakı Apellyasiya Məhkəməsi protesti araşdıraraq qərar qəbul edib. Məhkəmə prokurorun tələbi üçün kifayət qədər əsaslar olmadığı qənaətinə gələrək protesti təmin etməyib. Birinci instansiya məhkəməsinin qərarı qüvvədə saxlanılıb.

Xatırladaq ki, İqtisadiyyat Nazirliyi yanında Dövlət Vergi Xidmətinin Vergi cinayətlərinin İbtidai Araşdırılması Baş İdarəsində iş adamı Məmmədov Hafiz Məcid oğlunun bilavasitə faktiki rəhbərliyi həyata keçirdiyi müəssisələr üzrə yaranmış külli miqdarda vergi və məcburi dövlət sosial sığorta haqlarının ödəməkdən yayındırılması faktları üzrə cinayət işi başlanılıb.

Yasamal rayon məhkəməsinin qərarı ilə Hafiz Məmmədov barəsində həbs-qətimkan tədbiri seçilsə də, sonradan borcun müəyyən hissəsi ödənildiyi üçün o, ev dustaqlığına buraxılıb.

Məqalədə:
Xəbər lenti

Xəbər lenti