Bakı. Trend:
Hər bir münaqişənin öz səciyyəvi xüsusiyyətləri var.
Trend xəbər verir ki, Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsi Emin Hüseynov “Məskunlaşma günü” ilə bağlı forumda çıxışı zamanı deyib.
“Azərbaycanda baş verən münaqişələrdə bəzi səciyyəvi xüsusiyyətlərə toxunmalıyıq. Həmin amillər görəcəyimiz işin miqyasını, potensialını müəyyənləşdirir. Azərbaycanda isə 30 illik işğal faktını nəzərə alsaq, ərazilərimiz tamamilə dağıdılmış, yerlə-yeksən edilib, ekosid törədilib, insanlarımız torpaqlarından didərgin düşdü. Bunlar bir-iki ildə baş verməyib. Hamısı 30 il ərzində baş verib. Yeni texnologiyaların yarandığı bir erada belə xoşagəlməz hadisələr baş verdi”,- deyə o bildirib.