Bakı. Trend:
Geri dönüşdə sevinc göz yaşları ilə kəndimizin ətrini alacağam.
Bunu Trend-ə açıqlamasında Laçın rayonunun Zabux kənd sakini Qəribə Abbasova deyib.
Onun sözlərinə görə, 32 il öncə Zabux kəndini tərk edib.
"İndi sevinərək, həyəcanla doğma yurdum Zabuxa dönürəm. Allah Prezidentimizə can-sağlığı versin. Onun iradəsi, şəhidlərimizin canı-qanı sayəsində torpaqlarımız azad olunub. Allah şəhidlərimizə rəhmət eləsin, qazilərimizə can-sağlığı versin", - deyə o qeyd edib.
Qeyd edək ki, bu gün Laçın rayonu Zabux kəndinə dah 25 ailə (94 nəfər) yola salınıb. Bakı və Abşeron rayonundan 20 ailə (71 nəfər) Qaradağ rayonu “Qobu Park-3” köçkün şəhərciyindən, Tərtər, Bərdə, Qax və Lənkəran rayonlarında məskunlaşmış 5 ailə (23 nəfər) Zabux rayonuna yola salınıb. Beləliklə bugünkü (16.11.2023) köç də nəzərə alınmaqla Laçın rayonunun Zabux kəndinə 46 ailə (188 nəfər) köçürülüb.