Bakı. Trend:
Pakistanla Hindistan arasında münaqişənin eskalasiyası fonunda Pakistanda azı 149 hava reysi təxirə salınıb.
Trend xəbər verir ki, bu barədə Pakistanın “Geo TV” telekanalı məlumat yayıb.
Təxirə salınmış aviareyslərin 42-si paytaxt İslamabaddan, 36-sı Lahordan, 34-ü Karaçidəndir.
Məlumatda qeyd olunur ki, hökumətin uçuş təhlükəsizliyinin təmin olunması məqsədilə həyata keçirdiyi profilaktik tədbirlər, o cümlədən, hava məkanının bağlanması ümumilikdə 200-dən çox aviareysin vaxtına təsir edib.