Bakı. Trend:
Tayland və Kamboca liderləri 24 saat ərzində hərbi əməliyyatları dayandırmaq və sülh müqavilələrinin həyata keçirilməsinə qayıtmaq barədə razılığa gəliblər.
Trend-in məlumatına görə, bu barədə ABŞ prezidenti Donald Tramp "Truth Social" sosial şəbəkəsində yazıb.
"Bu səhər Taylandın Baş naziri Anuthin Çanvirakun və Kambocanın Baş naziri Hun Manet ilə uzun müddətdir davam edən müharibənin dərin təəssüf doğuracaq şəkildə yenidən başlaması ilə bağlı çox yaxşı bir söhbət apardım. Onlar bu axşam bütün atışmaları dayandırmaq və Malayziyanın Baş naziri Ənvər İbrahimin vasitəçiliyi ilə mənimlə əldə etdikləri ilkin sülh razılaşmalarına qayıtmaq barədə razılığa gəliblər", - deyə o bildirib.