Azərbaycan, Bakı, 06 dekabr / Trend , müxbir K.Zərbalıyeva/ Azərbaycan Milli Ordusunun gizirinin kirayədə yaşadığı mənzildə meyidi tapılıb.
Ağstafa rayon polis şöbəsindən şənbə günü Trend - a verilən məlumata görə, Ağstafadakı N saylı hərbi hissəyə ezam olunmuş 45 yaşlı gizir Müseyibov Nazim Qara oğlu hamamda yuyunmağa hazırlaşarkən ürək tutmasından dünyasını dəyişib.
Məlumata görə, Müseyibov ürək xəstəliyindən əziyyət çəkirdi.
Müseyibov Bakıdakı N saylı hərbi hissədə xidmət edib və bir müddət əvvəl Ağstafaya ezam olunub.
Rayon polis şöbəsi hadisə ilə bağlı materialları Qazax Hərbi prokurorluğuna göndərib.
Məqalə müəllifi ilə əlaqə ünvanı:[email protected]